«Дүниежүзілік кітаптар күніне» орай

Астана қаласы №42 орта мектебінде 23-сәуір «Дүниежүзілік кітаптар күніне» орай мектеп кітапхана ісінің меңгерушісі Тұрсынбекова Ләйла Раушанбекқызы «Кітап – біздің досымыз» атты тақырыпта 5-сынып оқушыларымен бірге 1-сынып оқушыларын кітапханаға саяхат жасау мақсатында ұйымдастырып,әдеби кеш өтті.

Кештің мақсаты: Кітаптың адам өміріндегі маңызы ғылым мен білімнің пайдасы және кітапхананың мәдени-ағарту,ғылыми көмекші мекеме екендігі жайлы түсіндіру.Кітапханада кітаптарды пайдалану ережелерін сақтауды,сөздік қорын молайтып,өздігінен кітапханада жұмыс жасай білуге,кітап оқуға құмарлығын арттыру.

Елбасы Нұрсұлтан Әбішұлы Назарбаев өзінің кезекті жолдауында «Қазақстан әлемнің бәсекеге барынша қабілетті 50 елдің қатарынан лайықты орын алу үшін өзінің мәдениеті мен ғылымын,білімі мен білігін,рухани байлығы мен елімізді айдай әлемге паш ете білу керек» деген еді.Елбасының сөзін басты қағида етіп ала отырып,рухани азық іздеген ,көзі ашық,көкірегі ояу әр баланың қасиетті қара шаңырағы – кітапхана екені айтылды.Кеш барысы ұлы ғалымдардың кітап туралы айтқан нақыл сөздері,мақал-мәтелдер,жұмбақтар,өлеңдер,сахналық көріністер мен ғылыми ізденісте жүрген профессорлардың зерттеулері жайлы көріністер көрсетілді.